Hjelp til
Når kan eg annonsera reparasjonskaféen eller den uavhengige databutikken vår på endof10.org?
Viss du tilbyr hjelp med Linux, kan du leggja til staden med ein gong!
I README-fila i Git-depotet vårt finn du oversikt over kva stadsdetaljar og arrangementsdetaljar me treng . Send informasjonen på e-post til endof10 [krøllalfa] lists.posteo.de. Viss du kan, er det fint om du sender informasjonen i JSON-format.
Viss du er teknisk kyndig nok, kan du òg laga ein fletteførespurnad direkte på Git-depotet til «Slutten for 10»-nettstaden.
Les våre ofte spurte spørsmål for informasjon om korfor berre berre har oversikt over organisasjonar, ikkje enkeltpersonar.
Korleis kan eg bidra til kampanjen?
Du kan bidra på mange måtar! Ta kontakt med oss, slik at me kan koordinera arbeidet.
- Be reparasjonskaféar og uavhengige databutikkar som tilbyr Linux-støtte, ta kontakt med oss
- Organiser eit installeringsarrangement eller start ein reparasjonskafé, og meld frå til oss
- Lag hjelpemateriell for nye brukarar, for eksempel innføringar, brosjyrar og anna PR-materiell
- Legg ut hjelpemateriellet på kaféar, i butikkar eller på universitet/skular i nærmiljøet
- Hjelp kampanjen med å verta synleg på nettet ved å dela innlegga våre i sosiale medium
- Omset nettstaden (meir informasjon nedanfor), kampanjemateriell osv.
- Meld deg som frivillig i eit av friprog-fellesskapa som deltar i kampanjen (du kan for eksempel forbetra dokumentasjonen, retta feil i programvara eller hjelpa til med grafisk design)
- <eigne idéar>
Korleis tek eg kontakt med «Slutten for 10»-kampanjen?
Skriv til oss på ein av desse offentlege kanalane. Sei litt om deg sjølv og om kva du ønskjer å bidra med.
- Matrix: https://matrix.to/#/#endof10:kde.org
- E-postliste: https://lists.posteo.de/listinfo/endof10
Me er òg på Allheimen! Emneknaggane våre er #EndOf10 og #EO10Challenges.
- Mastodon: https://floss.social/@endof10
Korleis kan eg omsetja endof10.org-nettstaden til morsmålet mitt?
Det er KDE som husar nettstaden, og omsetjinga vert gjort på same måte som for dei andre KDE-nettstadane.
Finn omsetjingslaget for språket ditt: https://l10n.kde.org/.
Lær om prosessen: https://community.kde.org/Get_Involved/translation